Aaj Purani Raahon Se - Aadmi 1968 ( Hindi Lyrics )

Hindi Song: Aaj Purani Raahon Se
Movie or Album: Aadmi (1968)
Singer(s): Mohammad Rafi
Music Director(s): Naushad
Lyricist(s): Shakeel Badayuni


aaj purani raahon se, koyi mujhe aawaaj na de - (2)
dard mein dube geet na de, gham ka sisakta saaj na de - (2)

beete dino ki yaad thi jiname, main woh taraane bhul chuka
aaj nayi manzil hai meri, kal ke thikaane bhul chuka

na woh dil na sanam, na woh din dharam
abb door hoon sare gunaaho se
aaj purani raahon se, koyi mujhe aawaaj na de

toot chuke sab pyar ke bandhan, aaj koyi janjir nahi
sheesha-e-dil mein armaano ki, aaj koyi tasvir nahi
abb shaad hoon main, aazad hoon main
kuch kaam nahi hai aaho se
aaj purani raahon se, koyi mujhe aawaaj na de
dard mein dube geet na de, gham ka sisakta saaj na de

jivan badala duniya badali, mann ko anokha gyaan mila
aaj mujhe apne hi dil mein ek naya insaan mila
pohuncha hoon wahaan nahi door jahaan
bhagvaan bhi meri nigaaho se
aaj purani raahon se, koyi mujhe aawaaj na de